L-Ombudsman u l-Kummissarji huma uffiċjali awtonomi u indipendenti tal-Parlament responsabbli mill-investigazzjoni ta’ ilmenti fil-konfront ta’ awtoritajiet pubbliċi. L-Uffiċċju tal-Ombudsman mhux parti mill-Gvern.
L-ilmenti jistgħu jitressqu minn dawk kollha li jħossuhom li ma ġewx trattati tajjeb u jemmnu li jkunu sofrew inġustizzja, tbatija jew diskriminazzjoni minn xi dipartiment jew awtorità tal-Gvern.
L-investigazzjonijiet kollha li jagħmel l-Ombudsman u l-Kummissarji huma kunfidenzjali u l-informazzjoni kollha mogħtija lill-Uffiċċju tiegħu tintuża biss għal skopijiet ta’ investigazzjoni. Is-servizzi kollha offruti mill-Uffiċċju tal-Ombudsman huma kollha bla ħlas u l-investgazzjonijiet tiegħu huma kollha iffukati biex titwettaq ġustizzja għal kulħadd.
